|
|
|
Tuesday September 7, 2010
|
|
Rung Final ka Agri bad MeSEB ha ka Inter Office Football, Jowai
|
By Our Sport Reporter
Shillong, Rymphang :Ka Agriculture XI bad ka MeSEB XI kila long ki artylli ki Team /Office kiba la ioh ban rung sha ka Final jong ka Ist U Kiang Nangbah Memorial Inter Office Football Tournament 2010 bala pyniaid da ka Meghalaya State Government Employees Federation, Jaintia Hills Unit Jowai.
Ka Agriculture kala khur ia ka nam jop pyrshah ia ka Medical XI ha ka 22.01.10 da 2-0 bad la thep ia ki Goal da u Daunihitre Passah bad Damiki Passah ha ka minit kaba 21 bad 78.Katba ha ka jingialehkai kaba la long ha ka 25.01.10 ka Agriculture XI kala jop biang ia ka Veterinary XI da 3-0 ha kaba ia ki goal la thep da u Riang Rymbai ha ka minit kaba 8 bad 40 katba ia ka kol kaba lai la thep da u Banteibor Syngkrem ha ka 49 minit. Kumta ka Agriculture XI kala ioh 6 point ha ka round Robin League bad kala rung sha ka Final.
Ka MeSEB pat kala jop ia ka Medical XI ha ka 28.01.10 da 1-0 ha kaba ia ka goal la thep da u Wantre Nikhla ha ka minit kaba 34 jong ka jingialehkai.Ha ka jingialehkai kaba la long ha ka 02.02.10 ka MeSEB kala jop ia ka Agriculture XI da 2-1 bad la thep ia ki kol da u Atlas Kharlukhi bad u Ebormi Buam ha ka minit kaba 25 bad 29.Na ka liang ka Agriculture XI la thep da u Sanwotki Syngkon. Kane kalong ha k jingialehkai round Robin League. Kumta ka MeSEB ruh kala ioh 6 point ha ka league.
Katba ia ka jingialehkai Final yn pynlong ha ka 11.02.10 ha ka por 1:00 Pm ha Kiang Nangbah Stadium Jowai, bad ha kane ka sngi u Bah C.W. Dunai Asst. Director Sports and Youth Affairs, sorkar Meghalaya, Shg un long u Kongsan.Kane kalong katkum ka kyrwoh lyngba u Bah Issaia Muksor, Secretary, Sports Committee, Megha-laya State Govt. Employees Federation, Jaintia H Unit, Jowai.
Copyright mawphor.com
|
