|
Dawa pynshitom ka KSU ia u Nongleh beijot
|
By Our Reporter
Shillong, Rymphang :Ha kaba iadei bad ka jingjia ha ka miet 7 tarik K’lyngkot 2010 halor ka jingshah leh beijot jong ka Resmoda Nongrem na Rangthong ha u Henry Stephan Lyngdoh uba na Mawlangwir, na ka liang jong ka KSU, Rangthong Unit ka pynrem jur ia une u runar uba la nud ban leh ia kane ka kam pohjait ban biah phongrai ia ka jaidbynriew bad ba u don ia ka mynsiem riewkhlaw khlem da don shuh ia ka mynsiem isynei.
Kumta, ka Seng ha ka kyrwoh lyngba u Genl. Secy bah A. Shangdiar ka dawa ba dei ban pynshitom bad pynsaja jur katba shong ka ain bad kum ia u nongleh kam sniew u bym don shuh kata ka jingiatip lem.Ka Seng ka shim ruh ia une u runar kum u nongleh beijot bad nongpyniap briew namar ula leh ia katei ka kam pyrshah ia ka khynnah kaba dang rit ka karta da kaba shu rahbor ha ka por shiteng synia kat haduh ba kam lah shuh ban wanphai shala iing haduh arsngi namar ka jingshitom kaba jur ryngkat bad ka jingshah khriat bad thngan.
Shuh shuh ka Seng ka dawa ruh ia kino kino kiba donkti lang ha kane ka kam dei ban pynshitom kajuh namar ioh kin dei ki agent jong ki kam sniew ha shnong ha thaw ne hapoh ka imlang ka sahlang hi baroh kawei.
Copyright mawphor.com
|
