|
|
|
Kynnoh ka NCP ba buhrieh u MLA ia ki Skim
|
By Our Reporter
Shillong, Rymphang : Ka Nationalist Congress Party (NCP) Phulbari, West Garo Hills, kala kynnoh ba u MLA ka Phulbari A.T. Mondol ula buhrieh ia ka MLA skhim kynthup ia ka SRWP, IACDP, ISYDP, CGI sheet na ka Housing Department bad DTFM bad haduh mynta um pat pyllait satia ban sam sha ki paidbah naduh ka sngi ba u jop elekshon.
U President ka Phulnari Block Shader Hussain ula ong, watla kine ki skhim ki dei kiba sam sha ki paidbah ba la ithuh hi da u MLA hynrei la kynnoh ba u Mondol haduh mynta um pat sam satia. U ong, bun kiwei kiwei ki MLA kila dep ban sam ia ki skhim jong u snem 2008-2009 bad ruh ki skhim 2009-2010 hynrei u Mondol um pat pyllait satia kawei ruh em.
U Hussain ula ong, kum u nongshongshnong ka Phulbari Constituency, ula dawa ba u Mondol u dei ban pyllait noh wut wut ia ka skim khnang ba kin paidbah kin ioh ia kaei kaba dei hok jong ki. Ula kyntu ruh ia ka Sorkar Jylla ba kan pyntreikam ia ka policy bala shim ha u 2008-2009 hapoh ka Sorkar MPA ban pynlong ia ki skim SRWP, ISYDP bad kiwei kum ki skim da ka samoi ba lah ban kut noh lada ym pat pyntrei kat kum u snem.
Ha kajuh ka por, ka NCP Meghalaya Unit lyngba u President Dr W.Kharlukhi kala pynrem ia u Dr Mukul Sangma Dy CM uba la kynthoh ba u Purno.A.Sangma u dei u briew uba don ka mynsiem kut lad. Ula ong, ha ka jingshisha u Dr Mukul ula rem elekshon la 2 sien ha u Purno bad dei ma u (Mukul) u ban don ka mynsiem kutlad bad mynta u ioh mihkhmat tang iala ka jong ka Constituency ym kum u Purno uba la long Speaker ka Iing Dorbar Lok Sabha bad u bym lah pyniaryngkat kyrdan bad kiwei pat ki Nongialam jong ka thaiń Shatei Lam-Mihngi.
Copyright mawphor.com
|
